Nunc autem sicut electio summi pontificis non a cardinalibus tantum, immo etiam ab aliis religiosis clericis auctoritate Nicolai pape est facienda,, sic episcoporum electio non a canonicis tantum, set ab aliis religiosis clericis, sicut in generali sinodo Innocentii papae Rome  habita constitutum est <SgPFdBcAa Lat II c.28 ??>.

Ait enim: Absque religiosorum uirorum consilio canonici maioris ecclesiae episcopum non eligant.   Obeuntibus sane episcopis quoniam ultra tres menses uacare ecclesiam sanctorum patrum prohibent sanctiones sub anathemate interdicimus,  nec canonici de sede episcopali ab electione episcoporum excludant religiosos uiros, set eorum consilio honesta et idonea persona in episcopum eligatur. Quod si exclusis religiosis electio facta fuerit, quod absque eorum consensu et conuenientia factum fuerit, irritum habeatur et uacuum.

Ait enim—uacuum om. Sg(p.25-26)P(fol. 65va)Fd^{add. in marg.}(fol. 12va)Fd^{in suppl.} AaBc^{add. in marg.}