Köln, Erzbischöfliche Diözesan- und Dombibliothek 127, fol. 9r-9v

Est et alia diuisio iuris ut in eodem libro testatur Isidorus ita dicens:

 Quid sit jus naturale.

Ius naturale est commune omnium nationum, eo quod ubique instinctu naturae, non constitutione aliqua habetur, ut viri et feminae conjunctio, liberorum successio et educatio, communis omnium possessio et omnium una libertas, acquisitio eorum, quae coelo, terra marique capiuntur; item depositae rei vel commendatae pecuniae restitutio, violentiae per vim repulsio. § 1. Nam hoc, aut si quid huic simile est, nunquam injustum, sed naturale aequumque habetur.