Quid sit ius naturale. [Isidor. eod. c. 4.]

Ius naturale est commune omnium nationum, eo quod ubique instinctu nature, non constitutione aliqua habetur, ut viri et femine conjunctio, liberorum successio et educatio, communis omnium possessio et omnium una libertas, acquisitio eorum, quae celo, terra marique capiuntur; item deposite rei vel commendate pecuniae restitutio, violentie per vim repulsio. § 1. Nam hoc, aut si quid huic simile est, nunquam injustum, sed naturale equumque habetur.