Vat. lat. 8782, fol. 92v

<Assize 6>

De confugio ad ecclesiam

Sane si seruus, aut colonus, aut seruus glebe se ipsum subtraxerit domino, uel furatus res ad loca sancta confugerit, cum rebus quas detulit, domino presentetur, ut pro qualitate commissi subeat ultionem, aut intercessione procedente restituatur et gratie.  Nemini quippe ius suum est detrahendum.

Cod. 1.12.6.9

Sane si servus aut colonus vel adscripticius, familiaris sive libertus et huiusmodi .  .  . rebus certis atque substractis aut se ipsum furatus ad sacrosancta se contulerit loca .  .  . per eos videlicet ad quos pertinent, ipsis praesentibus pro ecclesiastica disciplina et qualitate commissi aut ultione competenti aut intercessione humanissima procedente, remissione veniae et sacramenti interveniente secure ad locum statumque proprium revertantur, rebus, quas secum habuerint.